Ka kynhun myntri hapoh ka jingialam u Myntri Rangbah ka jylla u Conrad K. Sangma ha ka 16 tarik Rymphang 2026 ka la pynbna ba ka elekshon sha ka Garo Hills Autonomous District Council (GHADC) kan long ha u bnai ïaiong 2026.
Ia kane la pyntip da u myntri sorkar jylla ba khmih ia ka tnad ka koit ka khiah u Bah Wailadmiki Shylla hadien ba la wai ka jingialang ka kynhun myntri. U Bah Wailadmiki Shylla u la pynpaw ba ïa ka jingpynbna elekshon ba pura yn pynmih ha ka 9 tarik u Lber 2026 katba ka tarik ba khatduh ban thep kyrteng kan long ha ka 16 tarik u lber 2026. Ka jingbishar bniah ia ki kot thep kyrteng kan long ha ka 16 tarik u lber hadien ka por 3:00 baje janmiet, bad ka tarik ba khatduh ban weng kyrteng kan long ha ka 17 tarik Lber 2026.
Ia ka thup ba khatduh jong ki kyrtong kiba biang ryngkat bad ka jingai ia ki symbol elekshon yn sa pynmih ha ka 18 tarik Lber. “Ka jingthep vote kan long ha ka 10 tarik Ïaiong bad ka jingniew ia ki vote kan long ha ka 14 tarik ïaiong la ong u Bah Wailadmiki Shylla.
