U Bah Pynshngaiñ N Syiem Kyrtong jong ka Congress na Mawkhar Pynthorumkhrah konstitwensi ha ka 29 tarik Kyllalyngkot 2025 u la wan thep kyrteng ialade ha ISBT Mawïong ban ïa aireng sha ka Elekshon MDC KHADC.
Haba kren bad ki lad pathai khubor na ka liang jong u Bah Pynshngaiñ N Syiem u la ong ka Congress ka ïeng ban iakhun ia ka Elekshon MDC sha KHADC halor 10 tylli ki mat ban buddien ia ka jingpynkylla ia ka khyrnit kaba hynriew ban pynmyntoi ia ka jaitbynriew, ban pynbha ha ka synshar khadar ha ka tnad Legislative bad ha ka tnad bishar ne kashari jong ka Khasi Hills Autonomous District Council.
U la bynrap ha ka tnad legislative, ha ka tnad Judiciary ngin pyrshang ban pynbha katba lah, ban pynkhlaiñ ia ka pla pisa jong ka Council lyngba ki tnad lum ne ioh pisa, ban pynkhlaiñ shuh ia ka Council bad ban ym buh ia ki nongtrei jong ka council ha ka jingeh, ban pynbha bad iada ia ka mei mariang la ka long ia ki um ki wah ne ki khlaw ki btap da ka jingiatrei lang bad ki Kur ne ki Seng bapher bapher ki shnong ki raid bad ki hima, ban pynneh kyntiew ia ka ktien Khasi ki tynrai ki riti ki dustur lyngba ki rynsan bapher bapher khnang ban pynpawnam bad pyn riewspah ia ka riti ka dustur kan long ruh ka lad ai kam ai jam ia ki trai ri trai muluk, ban thaw lad ban ioh jingiarap pisa na ka sorkar Jylla ne sorkar pdeng na ka bynta ki kam pynroi ha ki shnong ki raid ki hima, ban pynkhlaiñ ia ki aiñ haba iadei bad ka khyndew ka shyiap, ban thawlad ban pynskhem ia ki jaka ha ki khappud bad ka Assam da kaba iatrei lang bad ki hima, ban pynkhlaiñ shuh shuh ia ki aiñ ha ki hima ki shnong bad ha ki seng bapher bapher khnang ba kan ym buh jingeh ia ka pateng ba mynta bad ia ka ban sa wan ruh kumjuh.