Ka result jong ka ICSE kaba la mih hynnin ka sngi (18/07/2022) kala wanrah ka jingkmen kaba khraw ia ki bor pyniaid skul, ki nonghikai, ki kmie ki kpa bad khamtam ia ki khynnah skul jong ka Jowai Public School namar ka jingpass lut jong ki khynnah kiba ialeh ia kane ka Examination Class X 2022.
Kaba kham pynkmen shuh shuh ia ka skul ka long ka jinglah jong u Russel P. Siangshai ban ioh mark haduh 100 na ka 100 ha ka subject Chemistry. Une u samla ula long ruh uba ioh bun eh ki marks na kane ka skul bad u ioh haduh 96% haba kyllum lang ia baroh ki subject.
Baroh ki khynnah kiba la iakhun ia kane ka Exam na kane ka skul ki don 32 ngut bad baroh na kine ki 32 ngut ki pass lut bad kila poi baroh ha ka kyrdan 1st Division.