U SP ka East Khasi Hills U Bah Vivek Syiem hynne ka sngi ka 12 tarik Jylliew u la kren sha ki lad pathai khubor halor ka jingkhlad u Raja Raghuvanshi ha Sohra.
U bah Vivek u la ong ka Sonam bad 4 ngut ki suba donkti ki la phla halor ka jingpyniap ia u Raja Raghuvanshi, kane ka jingjia ka dei kaba la plan naduh Indore 11 sngi shwa ban iathoh bad u Raja Raghuvanshi.
U la pyntip ba kane ka dei ka plan jong u Raj Kushwaha bad ka Sonam ka ia don bynta lang ha kane ban pyniap ia u Raja Raghuvanshi.
U Akash Rajput , Anand kurmi bad u Vishal Chaighan kine ki 3 ngut ki dei shiparalok bad u Raj khuswaha bad uwei napdeng kine u dei u bahaing bad u Raj Khuswaha bad ka dei ka plan ban pyniap ia u Raja Raghuvanshi bad kine 3 ngut ki leh na ka bynta u Paralok jong u, u Raj Khuswaha.
U bah Vivek u la pyntip naduh u bnai February kine baroh ki la plan ki la wad lad wad lynti ba ka Sonam kan jah, kawei ka lad ka dei ba kan shah rah ha ka um, kawei pat ka lad ka long ban pyniap iano iano ban thang bad ong ba ka dei ka met jong ka Sonam bad kine baroh ki plan kim shym urlong.
Hadien ba ka Sonam bad u Raja Raghuvanshi ki la dep iathoh ki wan sha Guwahati Assam bad kine 3 ngut ki la wan lang la ka jong bad ki la wan shwa ma ki ha ka 19 tarik May, ki la wad ki lad ki lynti ban pyniap ia u Raja ha Guwahati, hadien ba ka kam kam shym urlong.
Ka Sonam ka la plan ban wan sha Shillong bad Sohra bad kine shikurim ki la iakynduh ha Nongriat bad na Nongriat kine ki shikurim ki la ia wan lang ban leit sha Weisawdong bad ynda la poi ha Parking Lot Weisawdong kine baroh 3 ngut ki la mait ia u Raja Raghuvanshi da ka wait bad ka Sonam ka don lang hangta ha jaka ba pyniap ia u Raja Raghuvanshi bad ki la bret lang ia ka met u Raja Raghuvanshi sha Riat.
U bah Vivek u la pyntip ba kane ka jia hapdeng ka por 2 baje nohphai sngi bad ka raincoat kaba ka Sonam ka phong ka la ai noh ha u Akash Rajput bad ka Sonam ka la bret noh ia ka sopti. Hadien ba ki la mih na Weisawdong ka Sonam ka la niah ia kawei ka Scoty bad ynda poi ha AB View point u Akash u bret noh ia ka Raincoat kaba la ai da ka Sonam namar ka la bit snam.
Hadien kata u Akash Rajput u la niah noh ia ka scoty kaba la shim wai da u Raja bad ka Sonam bad ieh ha Sohra rim. Na Sohra rim uwei napdeng kine ki 3ngut u Vishal Sing Chaughan u la ai da ka burkha ia ka Sonam ba kan phong bad na PB ka Shim Tourist Taksi ban leit sha Guwahati. Na Guwahati ka leit sha Lukhra ISBT, na Lukhra ISBT sha Silliguri ka shong da ka bus, bad na Silliguri sha patna ka shim biang da ka bus , na Patna sha Ara ka shong biang da ka bus bad na Ara sha Lucknow ka shong da ka train, na Lucknow na Indore ka shim biang da ka bus.
Shuh shuh u bah Vivek u la ong ha ka interview hadien ba uwei napdeng ki Tourist Guide u iohi ia ki 3 ngut bad ka Sonam bad u Raja Raghuvanshi, u Raj u la ong ia ka Sonam ba kan phet na Indore ha Silliguri bad ong ba ka shah rahbor bad ha ka 8 tarik Jylliew katba ka Sonam ka dang phet na Indore, ki Pulit Meghalaya ki la leit ha Uttar Pradesh bad Indore, katba ki Pulit ki dang kem ia uwei napdeng ki 3 ngut u Raj u ioh jingtip ba don kiba kem ia uwei na kitei ki 3 ngut bad u Raj u Sngewsyier bad u la ong ia ka Sonam ba kan phone sha ïing ban pyntip ba ka lait im na ka jingshah rahbor bad hadien kata ki Pulit UP ki la kem noh ia ka Sonam bad ia ki 3 ngut na Indore Madhya Pradesh.
Katkum ka jingiathuh u Bah Vivek u la pyntip ba kane ka jingjia ka dei beit shaphang ka jingiaieid u Raj Khushwaha bad ka Sonam bad ki la thmu ban pyniap ia u Raja Raghuvanshi ha Guwahati kim ioh lad, ha Nongriat kim ioh lad, ha Mawlakhiat kim ioh lad bad dei ha Weisawdong Parking lot kin sa pyniap ia u Raja Raghuvanshi.
Ka Sonam hadien ba la bret ia ka met u Raja sha riat, ka mut ba kin slem ban lap ia ka met bad lada lap ruh kin shim por ban ithuh bad ka dang mut ba kan dang mut ban lait ialade ban shah kynnoh rahbor hynrei kam poi pyrkhat ba kin lap noh ia ka jingshisha baroh halor ka jingkhlad u Raja Raghuvanshi.