Ka Seinraij Ialong kumba ju long manla u snem, mynta u snem ruh kan pynlong biang ia ka leh niam Behdieñkhlam ha ka 12/8/2024 ha ka por 2:00 PM ka ban pynkut ha Aitnar Ialong kaba don hajan ka park Ialong.
Ha kane ka Behdieñkhlam ka Raij Ialong yn wan iashim bynta lang da ka Seiñraij Wahiajer bad Seiñraij Nongkhyllep. Kumta na ka liang ki nongpyniaid jong ka Seiñraij Ialong, kila khot la wer sngewbha ia baroh ki lok ki jor ki ba don ha kylleng ki bynta jong ka Bri u 7 trep ban wan ia sakhi bad ia shim bynta lang bad ka Seiñraij Ialong khnang ba kane ka lehniam Behdieñkhlam kan long ka ba phuh ba phieng bad kaba jop.
Kane ka long katkum ka khubor ba la pyllait da u President ka Seiñraij Ialong ma P. Shylla bad General Secretary ma J. Pale .