Shi bynta na ka Mission Life ban wanrah biang ïa ka jingjyrngam jong ki khlaw ki btab mynta ka sngi 24 tarik u Nailar hapoh ka jingïalam u Waheh Shnong ka Chilliangraij, Jowai ma D.H. Pde ha ryngkat ki samla kila pynlong ka jingthung ïa ki tynrai ha mar pyrshah jong ka ophis thymmai ka Bordering Home Guard.
Ha kane ka sngi la ïadonlang naduh ki Waheh Shnong na ka Shnong Lathlaboh, Dongmihsngi, Mokyrdup bad na Lumpariat. Na ka liang u ma Pde ula ai khublei kyrpang ïa baroh ki ba ïadon lang ha kane ka sngi ban ïashim bynta ha ka ban thung ïa kitei ki tynrai dieng kiba don kumba 120 tylli kiba kynthup ïa ki dieng Samplings Champa, Puma bad kiwei de.
La kyntu jur ïa ki paidbah ban sumar bha ïa kitei ki tynrai dieng khnang ba kin ïoh ban heh ban san da kaba khang pyrshah ba ym bit ban pynjulor ïa kitei ki tynrai dieng ba la dep thung.
