U MLA ka 1-Nartiang constituency ba dei ruh u symbud Ryntri Rangbah ka jylla u bah Sniawbhalang Dhar u la iarap pisa kumba 15 lak tyngka ban shna ia ka Madan Football ha shnong Sohphoh, West Jaintia Hills.
Na ka liang ki nongialam shnong ba kynthup ia u bah Mutshwa Thabah, Waheh Shnong Sohphoh bad bah Foster Kharsahnoh, Secretary Shnong Sohphoh ha ryngkat ki nongialam ka Lumphyrnai Sport Club Sohphoh ki ba kynthup ia u bah Lungris Mukhim, Chairman bad bah Dapyntngen Suting, Secretary bad ki dkhot jong ka sport club baroh kawei, ki pynpaw ka jingsngewnguh ba khraw ia ka jingsbun mynsiem jong u MLA ka thaiñ ban iarap bad kyrshan ia ki samla jong ka shnong lyngba kane ka Madam Football.
Ka jingioh ia ka madan Football ba bha kan iarap ia ki samla ban nang lah shuh shuh ban pyntbit ia lade ha ki kam ialehkai bad ban lait na ki kam sinew.
Na ka liang ka Balang Catholic Sohphoh, lyngba ki nongialam ka Balang kynthup ia u bah Ebendiko Lyngdoh, Rangbah Balang bad u bah Donboklang Nongrum, Secretary Balang bad ki paid riewngeit ka Balang catholic Sohphoh baroh kawei ki la pynpaw ka jingsngew nguh ia u MLA bah Sniawbhalang Dhar u ba la kloi ban iarap 2 lak 50 hajar tyngka ban pynbha ia ka skul jong ka Balang ka RCLP School Sohphoh.
Ki nongialam kila pynpaw ba lyngba kane ka jingiarap, ki la lah ban shna pynbha ia ki kamra class bad ruh ban pynkha kamra shuh shuh na ka bynta ka jingbit jingbiang ki kynnah skul.
