Ka lympung ïalehkai Badminton jong ki khynnah skul kaba la tip kum ka ‘15th Inter School Badminton Tournament 2022’, ba la pynïaid da ka West Jaiñtia District Badminton Association (WJDBA) Jowai ka la sdang naduh hynnin ka sngi bad ia kane ka lymgpung yn pynkut ha ka 4 tarik mynta hi u bnai ha Chutwakhu Indoor Sports Hall, Jowai.
U Chairman ka Tournament ma Teddy Laloo ula ïathuh baroh ki khynnah skul kiba wan ïashim bynta ha kane lympung ki don haduh 138 ngut napdeng ki 16 tylli ki skul hapoh ka West Jaiñtia Hills District.
ïa kane ka lympung la wan ban plie pyrda da u kongsan ma J.M Pohsngap, President ka seng ha ka jingiadon ryngka u General Secretary ma M. Nongpluh bad ki dkhot jong ka WJDBA, ki nonghikai bad ki khynnah skul.
Ha kane ka jingïakhun la pynbynta ïa ki nongïalehkai ha ki lai kyrdan kata ha ka Under-13, Under-15 bad ka Under-17 jong ki khynnah shynrang bad kynthei ha ka jingïakhun Single bad Double.
