Ka Lympung ba 3 jong ka Seng Samla Sengkhihlang kan long ha ka 18 bad 19 tarik u Rymphang 2023 ha ka Seiñ Raij Padu, War Jaiñtia naduh kapor 10 baje mynstep.
Kumta ka Seng Samla Sengkhihlang ka khot sngewbha ïa ki khun ka bri u Hynñiewtrep Hynñiewskum na ka Ri 12-Daloi bad ki 30 Syiem bad kumjuh ruh ïa ki tnad Seng Khasi Seiñ Raij na ki tnad Seiñ bapher bapher ba kin ïawan sha kane ka Lympung khnang ban ïoh shibun ki jingsneng jingkraw ban Kyntiew ïa ka ñiam Khasi bad ban pynneh ïa ka dustur ka Riti.
Kumta ka Seng ka khot ruh ïa ki President/Secretary na ki tnad Seng Khasi bad Seiñ Raij, ki Langdoh Niam bad ki Pa Daloi na ki Elaka bapher bapher ban ïawan sha kane ka lympung.
Ha kane ka sngi kan don ruh jingai ïa ki Jingsneng tymmen bad ïa ka jingpyni ïa ka lariti shad tynrai na ki khun ka Seiñ bad Seng Khasi bapher bapher. Kane ka long katkum ka jingpyllait khubor u ma S. Sari Publicity Secretary Sengkhihlang.
