Ka lympung ïalehkai phutbol 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long mynta ka sngi 10 tarik u Risaw ha madan Kiang Nangbah Stadium, Jowai.
Haba phai sha ka jingïakhun ba nyngkong hapdeng ka kynhun ïalehkai jong ka Mukhla Evergreen bad ka Khliehïongriang kila poi sha ka jingïakhaid da mar 2-2 kol, ïa ki kol na ka Mukhla Evergreen la thep da u Iaiskhemlang Nongsiej haka minit ba 62 bad u Wompher Phawa haka minit ba 83. Katba ïa ki kol na ka Khliehïongriang la thep da u Arwanki Dkhar haka minit ba 19 bad u Basuklang Khonglah haka minit ba 86.
Ha ka jingïakhun kaba ar ka Chutwakhu kala pynliem da 2-1 kol ïa ka Sabahmuswang, ïa ki kol na ka Chutwakhu la thep da u Luckyness Khyriem haka minit ba 7 bad u Sawi o Tariang haka minit ba 49, ïa ka shikol na ka Sabahmuswang la thep da u Kerlang Shylla haka minit ba 55.
La pyntip ba ka jingïakhuh haka 12 tarik u Risaw kan long hapdeng ka Khimusniang pyrshah ïaka Sohmynting haka por 12 baje mynsngi, katba ka Dulong pyrshah ïaka Nangbah Iawmusiang haka por 2 shiteng nohphai sngi.
***************************