Ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba la long hapdeng ka Nangbah Iawmusiang pyrshah ïa ka Demthring kila poi noh sha ka jingïakhaid da mar shikol 1-1, ïa ka kol na ka Nangbah Iawmusiang la thep da u Joplangki Challam haka minit ba 55. Katba na ka Demthring la thep da u Maidong Mukhim haka minit ba 81.
Ka jingïakhun lashai ka sngi 27.10.2023 kan long hapdeng ka Dulong pyrshah ïa ka Sohmynting haka por 12 baje shiteng sngi.