Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long mynta ka sngi 1 tarik u Naiwieng ha madan Kiang Nangbah Stadium, Jowai.
Haba phai sha ka jingïakhun ka kynhun ïalehkai jong ka Mooknor Thadmuthlong kala pynliem da 1-0 kol ïa ka Mukhla Evergreen, ïa katei ka shikol na ka Mooknor Thadmuthlong la thep da u Apshwa Tyngkan haka minit ba 41.
Ka jingïakhun lashai ka sngi 2 tarik u Naiwieng kan long hapdeng ka Mynthong pyrshah ïa ka Moosalyngkat ha ka por 2 baje nohphai sngi.