Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long mynta ka sngi Saitjaiñ 26 tarik u Risaw ha madan Kiang Nangbah Stadium, Jowai.
Haba phai sha ka jingïakhun ka kynhun ïalehkai jong ka Mynthong kala pynliem da 1-0 kol ïa ka Mukhla Evergreen, ïa katei ka shikol na ka Mynthong la thep da u Daoohipaia Pakem haka minit ba 39.
Ka jingïakhun ha ka sngi nyngkong 28 tarik u Risaw kan long hapdeng ka Khliehïongriang pyrshah ïa ka Moosalangkat ha ka por 2 baje nohphai sngi.