Ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun naka liang ka kynhun ïalehkai jong ka Wahiajer kala lah ban pynliem da 2-1 kol ïa ka Moosalyngkat, ïa ki kol na ka Wahiajer la thep da u Marlangki Suting haka minit ba 15 bad u Niwan o Gatphoh haka minit ba 28. Katba ïa ka shikol na ka Moosalyngkat la thep da u Meaban Thubru haka minit ba 64.
Ka jingïakhun lashai ka sngi 31.10.2023 kan long hapdeng ka Sabahmuswang pyrshah ïa ka Moosyiem Shangpung haka por 12 baje shiteng sngi.