Ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament– 2023 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ka ba nyngkong ka kynhun ïalehkai jong ka Moosalyngkat SC bad ka Sohmynting SC kila poi sha ka jingïakhaid.
Katba ha ka jingïakhun kaba ar ka Wahiajer SC kala lah ban pynliem da 2-1 kol ia ka Luti tuber WS, ïa ki kol na ka Wahiajer SC la thep da u Ebormi Jat haka minit ba 22 bad u Heimonmi Dkhar haka minit ba 35. Katba ïa ka shi kol na ka Luti Tuber WS la thep da u Swaki Dhar haka minit 48.
Ka jingïakhun lashai ka sngi 17.10.2023 kan long hapdeng ka Sabahmuswang pyrshah ïa ka Demthring haka por 2 baje nohphai sngi.