Ka lympung ïalehkai phutbol jong ka kyrdan 1st Division bala pynïaid da ka East Jaiñtia Hills District Football Association kaba la long mynta ka sngi 13 tarik u Naiwieng ha madan Artificial Turf, Diengshynrum, Khliehriat.
Haba phai sha ka jingïakhun Quarter Final ba lai mynta ka sngi ka kynhun ïalehkai jong ka Diengshynrum SC kala jop da 5-1 kol ïa ka Bataw YWSC, ïa ka kol na ka Diengshynrum SC la thep da u Leki Dkhar haka minit ba 25 & 29, u Khrehbha Lyngdoh haka minit ba 73, u Welson Lyngdoh haka minit ba 76 bad u Fadical Pohshna haka minit ba 81. Ïa ka shikol na ka Bataw YWSC la thep da u Mihshwa Lyngdoh haka minit ba 31.
Ha ka jingïakhun Quarter Final ba saw ka Iatyllilang SC Hingaria kala jop da 3-1 kol ïa ka R.Synrang Shahkhain SC lyngba ka jingïashut Tie Breaker, hapoh ka por jong ka jingïakhun kine ki ar kynhun kila poi sha ka jingïakhaid da mar 2-2 kol, ïa ki kol na ka Iatyllilang SC Hingaria la thep da u Joshua Surong haka minit ba 22 & 49. Na ka liang ka R.Synrang Shahkhain la thep da u Jeremy Nongtdu haka minit ba 47 bad u Hikaidame Bareh haka minit ba 76.
Lyngba kane ka jingjop jong ka Diengshynrum SC bad Iatyllilang SC Hingaria kila ïoh ban rung sha ka Semi Final jong kane ka kyrdan 1st Division EJHDFA.
******************************