Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long mynta ka sngi 11 tarik u Naiwieng ha madan Kiang Nangbah Stadium, Jowai.
Haba phai sha ka jingïakhun ‘Semi Final’ ba nyngkong ka kynhun ïalehkai jong ka Chutwakhu kala lah ban pynliem da 1-0 kol ïa ka Khliehïongriang, ïa katei ka shikol na ka Chutwakhu la thep da u Faithful Bthuh haka minit ba 7. Lyngba kane ka jingjop ka Chutwakhu kala ïoh ban rung sha ka Final jong kane ka lympung.
Katba ka jingïakhun Semi Final lashai ka sngi 12.11.2024 kan long hapdeng ka Mooknor Thadmuthlong pyrshah ïa ka Sohmynting ha ka por 1 baje shiteng nohphai sngi.