Ka lympung ïalehkai phutbol jong ka kyrdan 1st Division bala pynïaid da ka East Jaiñtia Hills District Football Association kaba la long ha kane ka sngi 18 tarik u Risaw ha madan Artificial Turf, Diengshynrum, Khliehriat.
Haba phai sha ka jingïakhun mynta ka sngi ka kynhun ïalehkai jong ka Wahiajer YWSC kala pynliem da 2-1 kol ïa ka Rangad SCSC, ïa ki kol na ka Wahiajer la thep da u Santosh Taron haka minit ba 4 bad u Any Manner haka minit ba 10. Ïa ka shikol na ka Rangad SCSC la thep da u Hame Lamo haka minit ba 22.
Katba haka jingïakhun kaba ar ka Diengshynrum SC kala pynliem da 1-0 kol ïa ka Moolamanoh SC, ïa katei ka shikol na ka Diengshynrum SC la thep da u Enric Sympli haka minit ba 54.
Ka jingïakhun lashai ka sngi 19 tarik u Risaw kan long hapdeng ka Shilliang Umshong SC pyrshah ïa ka R. Wahshnong SC ha ka por 12 baje mynsngi, katba ka Iatyllilang SC Hingaria Bataw YWSC ha ka por 2 shiteng nohphai sngi.