Ka kaiphod sorkar kaba la pynmih mynta ka sngi la kdew ba la don 2 ngut ki briew kiba la khlad na ka jingpang Covid-19 bad ki don 61 ngut kiba dang iabit thymmai, katba kiba koit pat ki don 20 ngut.
Kitei ki 2 ngut kiba khlad na kane ka jingpang ki dei baroh ar napoh West Khasi Hills District.
Kiba bun eh kiba ngat thymmai mynta ka sngi ki dei na West Garo Hills ki don haduh 36 ngut, bud sa ka East Khasi Hills 12 ngut, na Ri Bhoi District 5 ngut, na South Garo Hills 3 ngut, na East Garo Hills bad West Khasi Hills mar 2 ngut bad na East Jaintia Hills iwei.
