Ki Nongtrei Bank ba hap hapoh ka Shatri jong ka United Forum of Bank Union (UFOBU) ba kynthup ia 9 tylli ki shnat treikam kynthup ha Jylla Meghalaya, ki la pynbna ban khang khyrdep ia ki Bank hapoh ka ri India 2 sngi lynter ka ban Sdang naduh ka 23 tarik Lber 2025 shiteng synñia haduh 25 tarik Lber 2025.
Haba kren sha ki lad pathai khubor na ka liang Convenor jong ka Meghalaya State Unit u Bah Wanraplang Mawroh u la ong ka jingpynbna ban sangeh trei 2 sngi lynter ban khang khyrdep ia ki bank naduh 23 tarik haduh 25 tarik. Kum shi bynta ban dawa na ka Sorkar ban pyntreikam ia ki mat jingdawa da kaba thung kham bun ki nongtrei, kum ba long mynta ki nongtrei ha Bank ki duna bha bad ka jingshakri ia ki paidbah ruh kala dkoh, bad ki Bank ki dei kiba shakri ia ki paidbah khlem da thew shiliang iano iano ruh.
Shuh shuh u la kyntu ia ki paidbah ba kin iaishah lem ha kine ki 2 sngi ki jingiakhih namar kane ka jingiakhih kam dei ia ki nongtrei Bank hynrei ka dei na ka bynta ka jingbit jingbiang ban shakri khambha ia u paidbah khlem da thew ia u duk ne u riewspah.