U Chairman ka State Expert Authority on Environment, u Naba Bhattacharjee u la ong kat kum ka jingleit survey ka North Eastern Space Application Centre (NESAC) ba tang ha East Jaiñtia Hills ki don kumba 20 hajar tylli ki krem ne ki par dewiong kiba la shu ieh shrah.
Haba kren mynta ka sngi u Naba Bhattacharjee u la ong ba khnang ban pynwandur biang ia kine ki par ba la shah ieh shrah, ka Donkam ban leh eiei da kaba thung Dieng biang wat la kan long kaba eh. U la ong ba ki par dewiong kiba la shu ieh kumto, ki long kum ki jaka riam ia ki briew bad kiba buh jingma ia ki ba bun.
U la iathuh mynta ka sngi ka la don ka jingialang bad ka central Mine Planning & Design Institute kaba pynwan dur bad pynjyrngam biang ia ki jaka tih dewiong ha ka Jylla bad ka la pynkhreh ruh ia ka DPR ne ka Detail Project Report.
U la ong ba ki heh ka Central Mine Planning Design & Institute Limited ki la dep wan jurip ia ki par Dewiong bad kin sa ai jingmut sha ka Sorkar Jylla haba iadei bad kine ki par dewiong ba la shu ieh shrah kumto kumno ban pynthymmai biang ia ki.