Ka West Jaiñtia District Badminton Association (WJDBA) Jowai kala pynlong ïa ka jinglehburom kitbok ïa ki rangïalehkai Badminton jong ka District ki ban leit ïashim bynta sha ka ‘State Championship’ ka ba 38th ha Nongstoiñ West Khasi Hills District.
Ïa kane ka lympung ïalehkai yn sdang naduh ka 2 tarik haduh ka 5 tarik jong u bnai Nailar 2023, la ïathuh ba kane ka kynhun WJDBA yn ïalam ïa ka da ki ar ngut ki Manager bad uwei Coach, katba na ka bynta ki rangïalehkai baroh ki don 12 ngut ha ka liang ki kynthei bad 21 ngut ha ka liang ki shynrang baroh ki long 36 ngut kynthup ïa kitei ki Manager bad u Coach.
Na ka liang ka West Jaiñtia District Badminton Association ka ai ka jingkitbok kitrwiang ïa baroh kitei ki rangïalehkai jong ka District ba kin long kiba minot bad ban ïalehkai bha naduh ka mynsiem, khnang ban kin lah ban wanrah ïa ka jingjop bad ka burom ïa ka District hi baroh kawei.