Ka Khlachympa Spors & Cultural Chub (KS&CC) kan pynhap pyrda ïa ka 7th Interdong Football League 2024, haka jingïakhun phainal hadpeng ka Chnongthmai SC pyrshah ïa ka Chnongklor SC ka ban long haka 23 tarik u Naiwieng sngi Saturday haka por 1 baje nohphai sngi ha Nongtalang.
Ïa kane ka lympung yn wan ban pynhap pyrda da u kongsan ma H. Nongtdu uba dei ruh u Ex CEM ka JHADC, ha ryngkat ka jingdonlang u synbud kongsan ma Arbor Hima Darnei MDC ka Saipung (Constituency), ki nongkitkam ka KS&CC nalor kiwei de.
Ha kane ka sngi pynkut yn sam ruh ïa ki khusnam sha ki nongjop kynthup ïa ka nam Man of the match, Player of the Tournament, Best Goal Keeper bad ka nam Best Stricker.
Na ka liang ka Khlachymopa Spors & Cultural Chub ka khot bad wer lang ïa baroh ki riew ieit phutbol jong katei ka thaiñ bad kin ïawan sakhi lang ïa kane ka lympung, ha ka juh ka por kan long ruh kum ka jingai mynsiem ïa ki nongïalehkai na baroh ar kynhun.
