Ka High Court jong ka jylla Meghalaya bad ka Meghalaya State Judicial Academy ha ryngkat ka jingiatrei lang bad ka tnad Law Department, Social Welfare Department bad Meghalaya Police, ka la pylong ia ka Workshop halor ka phang “The Narcotic Drugs and Psychotropic Substances Act, 1985” ha ka mynta ka sngi (28 tarik u Nailur, 2023) ha Auditorium ka Meghalaya High Court.
Ha kane ka Workshop, la ia pyrkhat bad puson bad ruh la iatai bha halor ki phang ba bun kiba iadei bad ka NDPS Act, 1985. Ha kane ka Workshop la iohi ruh ia ka jing wan iashim bynta lang jong u Justice Sanjib Banerjee, uba long u Nongbishar ba hakhliehduh ka Meghalaya High Court, ha kaba ula ia phylliew jingmut bad ki seng ne kynhun kiba don bynta lang ha kane ka Workshop.
