Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2024’ bala pynïaid da ka ophis jong u District Sports Officer West Jaiñtia Hills District, Jowai kaba la long mynta ka 21 tarik sngi Thohdieng ha ka jingïakhun Semi Final ha madan Kiang Nangbah Stadium, Jowai.
Haba phai sha ka jingïakhun Semi Final haka kyrdan Under-17 (Girls) ka North Liberty H/S School kala lah ban pynliem da 4-0 kol ïaka Police Public Sec. School.
Haka kyrdan Under-15 (Boys) ka H.K Singh Memorial Sec. School kala pynliem da 1-0 kol ïa ka Dominic English Sec. School. Katba ka St. Dominic H/S School kala pynliem da 4-3 kol ïaka Modern Sec. School da ka jingïashut Tie Breaker.
Ha ka jingïakhun Semi Final jong ka kyrdan U-17 (Boys) ka North Liberty H/S School kala jop da 3-0 kol ïaka Sawlyngdoh H/S School. Katba ka Govt. Boys H/S School kala jop da 2-1 kol ïa ka Kiang Nangbah Govt. H/S School.
Kane ka lympung ïalehkai phutbol jong ki khynnah skul kala jam sha ka jingïakhun Final haka 24 tarik sngi nyngkong (Monday) haka kyrdan U-17 (Girls) ka Kiang Nangbah Govt. H/S School kan ïakhun pyrshah ïa ka North Liberty H/S School.
Haka kyrdan U-15 (Boys) ka Dominic English U/P School kan ïakhun pyrshah ïa ka St. Dominic H/S School.
Katba haka kyrdan U-17 (Boys) ka North Liberty H/S School kan ïakhun pyrshah ïa ka Govt Boys H/S School.
Ha ka sngi pynhap pyrda ïa kane ka lympung u ma Wailadmiki Shylla MLA uba dei ruh u Chairman ka Meghalaya Urban Development Authority (MUDA) un long kum u kongsan.
