U Myntri Rangbah ka jylla u Conrad K Sangma mynta ka sngi ka 3 tarik Nailur 2024, u la plie pyrda ia u mawnongrim ba 25 klur tyngka bad ruh u la plie pyrda ia u pole uba jrong 40 meter ha ryngkat ka lama ri, na ka bynta ban shna complex kaba don ha phyllaw jong ka ophis PWD Shillong .
Ha kane ka sngi plie pyrda la don ryngkat lang u Chief Secretary ka sorkar jylla u bah DP Wahlang, DGP kong Idashisha Nongrang, IPS, u A.T Mondal, Deputy Commissioner ka East Khasi Hills Kong R.M Kurbah, IAS, ki ophisar bad kiwei kiwei.
Haba ai jingkren ha kane ka sngi u Conrad Sangma u la ong ba ka jingplie ban shna pynitynnad ia kane ka complex kan ai jingmyntoi ia ki paidbah da kaba shna ia ka jaka iaid kjat, ki madan, ka jaka rung ki briew kiba iaid na Civil Hospital Shillong, ka jaka ieng taxi, ka jaka ieng kali, ka restaurant, ka jaka ialehkai khynnah, ki jaka trei, ki jaka mih jong ki kali kiba rung ha kane ka complex bad kiwei de.