Ka All Jaiñtia Muster Roll Workers & Labour Union (AJMRW&LU) CEC Jowai kala pyntip ban kan don ka jingïakynduh lang jong ki para nongtrei Muster Roll kiba trei ha ka tnad sorkar jong ka PHE (RWS & Electrical) hapoh ka Jaiñtia Hills ka ban long haka 25/11/2023 haka por 10 baje mynstep ha ïing Dorbar ka Loomïongkjam, Jowai.
Ha katei ka sngi na ka liang ki nongïalam ka seng lyngba ka kong Hunbeitki Dkhar kaba dei ka General Secretary kala pynsngew ba kan don ka jingïathir jingmut lang, halor ka jinglong shngaiñ ka rukom treikam jong ki, ka bainong kaba kin ïoh bad kiwei de ki jingmyntoi naka bynta ka lawei jong ki kum ki nongtrei Muster Roll ha ka tnad PHE.
Kumta ka seng ka kyrpad jur ïa baroh ki nongtrei bylla sngi (Muster Roll) haka tnad PHE ba kin wan khnang sha katei ka jingïalang (Dorbar) khnang ban ïoh jingtip shibun ki jingmyntoi jong ki kum ki nongtrei, ha ka juh ka por kin ïakren ruh ïa ka bha ka miat haka rukom treikam, ka rta ban shong thait ban ïoh myntoi ki khun ki kti, ban pynkhlaiñ shuh shuh ïa ka jingtreilang bad ka sorkar nalor kiwei de.