U Beda Shylla Media Commission jong ka Shillong Archdiocese ha ka 23 tarik ïaiong 2025 u la pyntip paidbah sha ki lad pathai khubor haba iadei bad ka sngi ban pyndep ia ka met ba sah jong u Pope Francis u Kpa Bakhuid jong ka Balang Katholik uba la khlad noh na kane ka sla pyrthei.
Kum ban shu pynkymaw u Pope Francis u dei u Kpa Bakhuid jong ka Balang Katholik uba la khlad noh ha ka 21 tarik ïaïong 2025 ha ka por 9:45 baje mynstep.
La kha ia U Pope Francis ha ka 17 tarik December 1936.
Yn pyndep ïa ka jinglehniam da u Cardinal Giovanni Battista Re, U Dean jong ka kynhun ki Cardinal ryngkat bad ka jingïashim bynta ki Patriak, ki Cardinal, ki Archbishop, ki bishop ki Khlieh jong ki ri bapher bapher bad ki paid riewngeit.
Ka jingpyndep ia ka met ba sah jong u Kpa Bakhuid Pope Francis kan long ha ka 26 tarik ïaiong ha ka sngi Saitjaiñ ha ka por 10:00baje mynstep bad yn tep ia u ha ka ïingmane bah bakhraw jong ka Maria ha Rome.
Kum ka dak jong ka jingsngewlem ia ka jingkhlad noh jong u Kpa Bakhuid ka Shillong Archdiocese kan pynlong ia ka Mass Kyrpang naduh ka 23, 24 bad 25 tarik ha ka por 5:30 Janmiet ha Cathedral Parish Laitumkhrah bad kumjuh ha ka sngi ba pyndep ia ka met jong U Pope Francis kan don ka Mass kyrpang ha Cathedral Parish ha ka por 10:00 baje mynstep.
