Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong kila poi sha ka jingïakhiad da mar shikol 1-1 kaba la long hapdeng ka Lumpariat pyrshah ïaka Chutwakhu. Ïa ka kol Lumpariat la thep da u Desiderions Pyrtuh haka minit 25, na ka liang ka Chutwakhu la thep da u Babiang Khyriem haka minit 57.
Katba ha ka jingïakhun kaba ar ka Dongmihsngi kala lah ban pynliem da 5-1 kol ïa ka West Madan Mustem, ïa ki kol na ka Dongmihsngi la thep da u Betterly Sariang haka minit ba 2 & 34 u Longshisha Syrpuh haka minit ba 42, u Ewanmida o Langstang haka minit ba 73, bad u Vishal Shadong haka minit ba 74. Ïa ka shikol na ka West Madan Mustem la kum thep bakla da u Longshisha Syrpuh (Own Goal) haka minit ba 6.
Ka jingïakhun lashai ka sngi 6 tarik u Nailur kan long hapdeng ka Mooknor Thadmuthlong pyrshah ïa ka Chilliangraij haka por 12 baje mynsngi.