Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai, kaba la long mynta ka sngi 29 tarik u Nailar ha madan Kiang Nangbah Stadium Dongmihsngi, Jowai kala dang ïaid shakhmat.
Ha ka jingïakhun kaba nyngkong hapdeng ka kynhun ïalehkai jong ka Luti Tuber Ialong pyrshah ïa ka Risingsun Mukhla, kila poi sha ka jingïakhaid da mar shikol (1-1). Ïa ka kol na ka Luti Tuber Ialong la thep da u Marbhah Dhar haka minit ba 24. Na ka liang ka Risingsun Mukhla pat ïa ka kol la thep da u Stopper Bang ha ka minit ba 49.
Katba ha ka jingïakhun kaba ar ka kynhun ïalehkai jong ka Iawmulong Nartiang kala pynliem da 1-0 kol ïa ka Shangpung Khliehmushut, ïa katei ka shikol na ka Iawmulong Nartiang la thep da u Living Suja haka minit ba 13.
Ki bor pynïaid kila ïathuh ba ka jingiakhun lashai ka sngi (30.08.2024) na ka bynta ka 4th Adelbert Laloo Memorial Trophy kaba dei ka Quarter Final kan long hapdeng ka Lumpyrtuh Mihmyntdu pyrshah ia ka SCSC Nonglatem, ki ban iakhun ha ka por 2:30 PM.