Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kala sdang mynta ka sngi 22 tarik u Nailar ha madan Kiang Nangbah Stadium Dongmihsngi, Jowai.
Ha ka jingïakhun kaba nyngkong kaba la long hapdeng ka Mukhla Umlangshor bad Nangbah Sports Association (NSA) kila poi sha ka jingïakhiad da mar 3-3 kol, ïa ki kol na ka Mukhla Umlangshor la thep da u Khel Sumer haka minit ba 15, u Samuel Shylla haka minit ba 61 bad u Ryngkatlang Sumer haka minit ba 81. Ïa ki kol na ka NSA la thep da u Teibha Lyngdoh haka minit ba 26, u Jubab Pohleng haka minit ba 29 bad u Phidalin Dkhar 73 min.
Katba ha ka jingïakhun kaba ar ka kynhun ïalehkai jong ka Shilliang Raij kala pynliem da 1-0 kol ïa ka Maitchaphrang Mowtyrshiah, ïa katei ka shikol na ka Shilliang Raij la thep da u Hamewan Rngad haka minit ba 5.