Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kaba la long mynta ka sngi 23 tarik u Nailur ha madan Kiang Nangbah Stadium Dongmihsngi, Jowai.
Ha ka jingïakhun kaba nyngkong kaba la long hapdeng ka Rising Sun Mukhla pyrshah ïaka Shangpung Khliehmuchut kila poi sha ka jingïakhaid khlem don satia kiba ïoh ban thep kol (0-0).
Katba ha ka jingïakhun kaba ar ka Lumbhahdakha Wahiajer kala pynliem da 5-1 kol ïa ka Iawmulong Nartiang, ïa ki kol na ka Lumbhahdakha Wahiajer la thep da u Rimiki Dhar haka minit ba 16, 35 & 76, u Bernard Suchiang haka minit ba 22 bad u Augusteen Mukhim haka minit ba 42. Ïa ka shikol na ka Iawmulong Nartiang la thep da u Meker Pyrtuh haka minit ba 79.