Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Iawmulong Nartiang kala pynliem da 3-1 kol ïa ka Pynthorlangteiñ, ïa ki kol na ka Iawmulong Nartiang la thep da u Sambirlang Nongtdeh haka minit ba 52 & 70 bad u Heini Phalangki ha ka minit ba 71. Katba ïa ka shikol na ka Pynthorlangteiñ la thep da u Wanbiang Bang ha ka minit ba 64.
Ka jingïakhun ha ka 11 tarik u Nailur kan long hapdeng ka Chutwakhu pyrshah ïa ka Dongmihsngi ha ka por 12 baje mynsngi.