Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Khliehmuchut SC kala lah ban pynliem da 3-0 kol ïa ka Pynthorlangtein SC, ïa ka kol na ka Khliehmuchut SC la thep da u Arwanki Phadong haka minit ba 29, u Eliser Suiam ha ka minit ba 44 bad u Rangdajied Sayoo haka minit ba 63.
Katba ha ka jingïakhun kaba ar ka Iawmulong Nartiang kala lah ban pynliem da 1-0 kol ïa ka Panaliar SC, ïa ka shikol na ka Iawmulong Nartiang la thep da u Sambor Nongtdeh haka minit ba 27.
Ka jingïakhun haka sngi nyngkong 28 tarik u Nailar kan long hapdeng ka Caroline Colony pyrshah ïa ka Nangbah Dukhu haka por 12 baje mynsngi, katba ka Khliehmyngkrem kan ïakhun pyrshah ïa ka Maitchaphrang Mootyrchiah ha ka por 2 baje nohphai sngi.