Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kaba la long mynta ka sngi 6 tarik u Nailur ha madan Kiang Nangbah Stadium Dongmihsngi, Jowai.
Ha ka jingïakhun kaba nyngkong ka Lumbhahdakha kala lah ban pynliem da 1-0 kol ïa ka Luti Tuber Ialong, ïa katei ka kol na ka Lumbhahdakha la thep da u Rimiki Dhar ha ka minit ba 43.
Katba ha ka jingïakhun kaba ar ka Rising Sun Mukhla kala pynliem da 2-0 kol ïa ka Iawmulong Nartiang, ïa ki kol na ka Rising Sun Mukhla la thep da u Chembun Suna haka minit ba 30 bad u Ricky Sari haka minit ba 80+3.