Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ba nyngkong ka Mooknor Thadmuthlong kala lah ban pynliem da 3-2 kol ïa ka Lion, ïa ki kol na ka Mooknor Thadmuthlong la thep da u Phrangki Sari haka minit ba 58, u Style Sana haka minit ba 78 bad u Balanstar Suchiang haka minit ba 80. Na ka liang ki kol na ka Lion la thep da u Banteidor Stngkrem haka minit ba 27 bad u Arkini Laloo haka minit ba 60.
Katba ha ka jingïakhun kaba ar kila poi sha ka jingïakhaid khlem don ba thep kol 0-0 hapdeng ka Chilliangraij pyrshah ïa ka NSA.
Ka jingïakhun lashai ka sngi 26 tarik u Nailar kan long hapdeng ka Shangpung Khliehmuchut pyrshah ïa ka Pynthorlangteiñ haka por 12 baje mynsngi, katba ka Panaliar kan ïakhun pyrshah ïa ka Iawmulong Nartiang ha ka por 2 baje nohphai sngi.