Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 ba la pynïaid daka West Jaiñtia District Sports Association (WJDSA) Jowai kaba la long mynta ka sngi 13 tarik u Nailur ha madan Kiang Nangbah Stadium Dongmihsngi, Jowai.
Ha ka jingïakhun kaba nyngkong ka Nangbah Dukhu kala pynliem da 3-2 kol ïa ka Caroline, ïa ki kol na ka Nangbah Dukhu la thep da u Nathan Biate haka minit ba 32 bad u Siamthara Nampui haka minit ba 77 & 80+3. Ïa ki kol na ka Caroline la thep da u Alfred Dkhar haka minit ba 8 bad u Germi Shylla haka minit ba 44.
Katba ha ka jingïakhun kaba ar ka Dongmihsngi kala pynliem da 2-1 kol ïa ka Moopliang, ïa ki kol na ka Dongmihsngi la thep da u Yowan i Suiam haka minit ba 60 & 62, ïa ka shikol na ka liang ka Moopliang la thep da u Molify Sna haka minit ba 48.