Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kaba la long mynta ka sngi 5 tarik u Nailur ha madan Kiang Nangbah Stadium Dongmihsngi, Jowai.
Ha ka jingïakhun kaba nyngkong ka Shangpung Moosyiem kala pynliem da 2-1 kol ïa ka Khlieh Myntang Ialong, ïa ki kol na ka Shangpung Moosyiem la thep da u Da o Langbang haka minit ba 57 bad u Shickil Langbang haka minit ba 61. Ïa ka shikol na ka Khlieh Myntang Ialong la thep da u Jaymz Bryan Pale haka minit ba 51.
Katba ha ka jingïakhun kaba ar ka Panaliar kala pynliem da 1-0 kol ïa ka Lumpariat, ïa katei ka shikol na ka Panaliar la thep da u Samhame Sumer haka minit ba 34.