Ka kynhun ïalehkai jong ka Chutwakhu kala ïoh ban rung sha ka jingïakhun phainal jong ka lympung ïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) ha madan Kiang Nangbah Stadium, Dongmihsngi Jowai.
Kane ka jingïoh rung Phainal ka Chutwakhu ka long hadien ba kala lah ban pynliem da 1-0 kol ïa ka Lion ha ka jingïakhun Semi Final ba nyngkong mynta ka sngi, ïa katei ka shikol na ka Chutwakhu la thep da u Luckyness Khyriem haka minit ba 32 lyngba kane ka kol ka Chutwakhu kala buh jaka ïalade ha ka jingïakhun phianal.
La pyntip ba ka jingïakhun Semi Final ba ar lashai 28.09.23 kan long hapdeng ka Shangpung Khliehmuchut pyrshah ïaka Mooknor Thadmuthlong ha ka por 1 baje shiteng nohphai sngi.