Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kaba la long mynta ka sngi 19 tarik u Nailur ha madan Kiang Nangbah Stadium Dongmihsngi, Jowai.
Ha ka jingïakhun kaba nyngkong ka Madankynsaw Mawkyndeng kala pynliem da 7-0 kol ïa ka Caroline, ïa kitei ki kol na ka Madankynsaw Mawkyndeng la thep da u Cornelius Suchiang haka minit ba 5, 27 & 71, u Dangri Phawa haka minit ba 37, 54 & 63 bad u Heiwamut Lamare haka minit ba 68.
Katba ha ka jingïakhun kaba ar ka Nangbah Dukhu kala pynliem da 3-1 kol ïa ka Dongmihsngi, ïa ki kol na ka Nangbah Dukhu la thep da u Banteilang Iongwai haka minit ba 40+1 bad u Nathan Biate haka minit ba 51 & 83. Ïa ka kol na ka Dongmihsngi la thep da u Remember Langstang haka minit ba 65.