-11 ngut kiwei pat ki ban sa ioh license tih Dewïong hapoh ka Jylla-
U Myntri Rangbah ka Jylla u Conrad K Sangma u la pynbna ba lai tylli ki jaka tih dewïong ki la ïoh ïa ka jingmynjur ba pura na ka bynta ban treikam bad ki la dep ban sdang ban tih dewïong da kaba pyndonkam ha ka juk stad ba mynta ne ka scientific mining.
U la pyntip shuh shuh ba ki ophisar na ka tnad dewïong ki la leit jngoh bad pynpaw ïa ka jingsngewkmen halor ka jingpyntreikam ka jylla ia ka juk stad ba mynta ban tih dewïong bad ka la iaid shaphrang ha ka jylla.
U la bynrap ba katkum ki jingpynbna ba thymmai, sa 11 ngut ki nongtih dewïong ki dang don ha lynti ban ioh jingbit ban sdang ia ki kam, la khmih lynti ba ia kine ki jingmynjur yn sa ai ha ki bnai ban wan. Kiba bun na kine ki nongtih dewïong ki dei na ki thaiñ Jaiñtia Hills bad West Khasi Hills.