Mynta ka sngi Balang ki don haduh 6 ngut ki kyrtong ki ban aireng ha kane ka Election MDC sha JHADC, kila leit ban thep kyrteng ïalade ha ophis u Deputy Commissioner ka West Jaiñtia Hills District hakhmat ki Returning Ophisar ki ban jurip ïaki kot ba donkam jong ki.
Kine ki 6 ngut ki kyrtong ki kynthup na ka (NPP) 3 ngut kata u Rudaioo Tang na 11-Shilliang Myntang, u Reformson Lamare na 7-Nartiang Wahiajer bad u Jesse Suiam na 6-Moodymmai Nongkhroh.
Na ka Congress (INC) ki long u Rikut Parein u ban ïakhun na ka 13-Saphai Sahsniang. Na ka VPP ka kong Laiawanlam Jinghun Khynriam na 9-Mynsoo Nongjngi bad u Kyrtong shimet (IND) ma Wendolin Chullai na 5-Mukhla Ummulong.
Hadien ka jingthep kyrteng kitei ki kyrtong ha ka jingkren sha ki lad pathai khubor kila pynpaw ka jingsngewkmen ban ïa aireng ha kane ka Election, da ka jingkyrmen skhem ba kin ïoh ïa ka jingjop ha kane ka jingïakhun ïa ka MDC sha JHADC.
Shuh shuh ki la pynpaw hala ki jong ki nongrim lada kin ïoh ïa ka jingjop ki trei shitom na ka bynta ban kyntiew kynrong ïa ka District Council bad ban pynïaid shakhmat ïa ki skim pynroi kiba wan hapoh ka Constituency bad ïa kiwei de ki jingdonkam ba ha khmat.
Ka jingtheh kyrteng kan dang ïaibteng haduh ka 3 tarik u Rymphang, 2025, ka jingjurip bniah Scrutiny ïa ki Nomination Papers kan long haduh ka 3 baje janmiet jong ka 3 tarik. Ka jingweng kyrteng Withdrawal yn ailad ïa ki kyrtong kiba kwah ban weng ha ka 4 tarik, ka jingpynmih ïa ki kyrteng kiba la biang ïa ki kot ki sla bad ka jingai ïa ka shap (Symbol) sha ki kyrtong kan long haka 6 tarik u Rymphang.
Katba ka 21 tarik u Rymphang kan dei ka sngi thep Vote bad ka 24 tarik u Rympang kan dei ka sngi ñiew vote.
