Ki nongialam jong ka Meghalaya Wushu Association (MWA) mynta ka sngi ka 6 tarik Nailar 2024 ha ba ai jingkren sha ki lad pathai khubor ki la pyntip ba kin sa pynlong ia ka Khelo India Women League, East Zone ka ban sdang naduh 9 tarik August 2024 haduh ka 12 tarik 2024 kata 3 sngi lynter ha Indoor Stadium Sport Hall NEIGRIHMS.
U President ka Meghalaya Wushu Association bah Donny R Ranee u la pyntip ba ki nongwan iashim bynta sha kane ka jingialekhai kin don kumba 10 tylli ki states na North East kynthup ia ka Bihar bad na West Bengal.
Ia kane ka Khelo India la pei pisa da ka Wushu Association of India bad ka Ministry of Khelo India SAI.
Ka jingpynlong ia kane ka Khelo India da ki Zone Wise ban pynkhreh ia ka team, ynda la lah dep la ki jong ki jong ki Zone bad ynda la lah dep pynlong ia kine ki Zone baroh kin sa pynlong ia ka All India Zone.
Kin don ruh ki cash prize ha kane ka jingialehkai, ha ka East Zone ka cash Prize ka long 5000/-, 3000/-, bad 2000/- ryngkat bad ki medal. Ha ka All India ka cash prize kan long 20,000/-,15,000/-, bad 10,000/- ryngkat ki medal.
Ka Wushu ka don lut ki combination jong ka Martial Arts ka long complete martials arts, bad ka plie lad ia ki khynnah ban pyni ia la ki sap ki phong ha kane ka jingialehkai.
U bah Ranee u la pyntip ba kumba 400 ngut eiei kin wan ia shim bynta sha kane ka jingialehkai kynthup napoh ka jylla (Meghalaya) ki don kumba 80 ngut eiei.
Haba khatduh na ka liang u President ka seng u bah Ranee u la buh ka jingkyrpad ia ka sorkar Meghalaya ba kan iarap lang na bynta kane ka jingialehkai khnang ba kane ka sports kan kiew kum ba long lem ha kiwei kiwei pat ki jylla jong ka ri India.
