U-17 (Girls): Kiang Nangbah Vs North Liberty
U-14 (Boys): Lumpyrtuh Vs H.K Singh
U-17 (Boys) Govt. Boys Vs North Liberty
Ka lympung ïalehkai phutbol jong ki khynnah skul ka ‘District Level Inter School Subroto Mukherjee Cup Football Tournament- 2023’, kaba la poi sha ka jingïakhun Semi Final mynta ka sngi Saitjaiñ bala pynïaid da ka ophis u District Sports Officer (DSO) West Jaiñtia Hills District, Jowai ha Kiang Nangbah Stadium, Dongmihsngi Jowai.
Haba phai sha ka jingïakhun Semi Final mynta ka sngi ha ka kyrdan Under-14 (Boys) ka Lympyrtuh Sec. School kala pynliem da 3-1 kol ïa ka Laishnong H/S School da ka jingïashut Tie breaker. Ka H.K Singh Memorail Sec. School kala pynliem da 4-3 kol ïa ka R.C Eve. Sec. School da ka jingïashut Tie breaker.
Katba ha ka kyrdan Under-17 (Boys) ka Govt. Boys H/S School kala pynliem da 4-3 kol ïa ka Sawlyngdoh H/S School da ka jingïashut Tie breaker, Ka North Liberty H/S School kala pynliem da 2-0 kol ïa ka Ummulong Presbyterian H/S School.
La pyntip ba ka jingïakhun Final jong kane ka lympung kan long ha ka sngi Nyngkong jong ka 3 tarik ha ka jingïakhun jong ka kyrdan Under-17 (Girls) ka Kiang Nangbah H/S School kan ïakhun pyrshah ïa ka North Liberty H/S School ha ka por 10 baje mynstep.
Ha ka Under-14 (Boys) ka Lumpyrtuh Sec. School kan ïakhun pyrshah ïa ka H.K Singh Memorial Sec. School ha ka por 11 baje mynstep.
Katba ha ka kyrdan Under-17 (Boys) ka Govt. Boys H/S School kan ïakhun pyrshah ïa ka North Liberty H/S School ha ka por 1 baje nohphai sngi.
