Ka Sorkar jylla kala pynbna ba ka 30 tarik mynta u bnai kan long ka shuti na ka bynta kito kiba hap hapoh ki lai tylli ki Constituency ba don ka Bye-Election 2021 sha ka iing Dorbar thawaiñ ka jylla Meghalaya. Katkum ka hukum sorkar bala pynmih ha ka 19 tarik mynta u bnai la pyntip ba baroh ki ophis Sorkar bad ki jaka pule kiba hap hapoh ka 13-Mawryngkneng (ST), 24- Mawphlang (ST) Assembly Constituency ha East Khasi Hills District bad ka 47-Rajabala Assembly Constituency ha West Garo Hills District ki dei ban khang lut ha katei ka tarik ba la kdew haneng.
Na ka bynta kito ki nongtrei sorkar kiba dei ki nongthep vote jong kitei ki 3 tylli ki Constituency kiba don sha kiwei pat ki District jong ka jylla kin ioh ia ka shuti ba kyrpang ha katei ka sngi khnang ba kin ioh ban pyndep ia ka hok jong ki. Na ka bynta kito kiwei pat ki nongtrei kum ki daily wages, ki casual ki ruh kin ioh shuti ha katei ka sngi ryngkat bad ka jingsiew katba kum ka kyndon jong ka Section 135B of RP Act, 1951. Kumjuh kiba trei ha ki tnad Trade, Industrial Undertaking kiba hap ha ka N.I. Act, 1881 ruh kin ioh jingsiew kumjuh ha katei ka shuti thep vote.
Kane ka long kat kum ka jingpyntip lyngba u Commissioner & Secretary to the Government of Meghalaya, General Administration (A) Department. (MIPR)