Ia kane ka film la pynmih bad Direct da i Bah Elegis Thongni bad i Bah Nick Shangpliang, la ak da i Actress ba pawnam hapoh YouTube i Aba Nongkhlaw ba shait khot da i Puliaw ha ryngkat i Sanmilian Mawrie iba dei i actress ba la ju ak bun tylli ha ki Film khasi.
Kaba sngewtynnad shuh shuh ka long ba ha kane ka film la ak lang da i Actor Wellborn Mynsong iba ki briew ki ju tip kum i Paheh, kaba ki briew ki la ap khmih lynti lah slem bha ia i Puliaw bad i Paheh ba kin ak ha ki Film hynrei lyngba kane ka film Lyngkar kine ki shijur ki la ioh lad ban pyni ia ka sap lade ha khmat ki paidbah kumba ki paidbah ki lah kwah bad angnud baroh shi katta.
Ha kane ka film la ia shim bynta lang da ki khlur pawnam kiba ju ak serial hapoh YouTube kum u Kers Channel uba dei u nong leh komik, U John Ranii uba ki tip kum u Kohduh, bad u Anthony khyriem uba dei ruh u nongrwai ha paw ka jylla ha ka juh ka por.
Kaba kham sngewtynnad shuh shuh bad kaba pynkyndeh bha ruh ia ki paidbah Nongrep ka jylla ka long ba la ioh ban ia shim bynta ruh da i General Secretary ka seng ki Nongrep central body Meghalaya,
Ia kane ka film la pynbet pynbiang da i Bah Elegis Thongni bad yn sa pyllait paidbah noh ha ka 30th August 2024 hapoh Bijou Cinema Hall Shillong ha ka por 11:30 am / 2 pm / 5 pm / 7pm, bad ha Byrnihat Cinema Hall ha ka Por 2 baje bad 5 baje janmiet.