Ka Seng kur Dkhar Wapung Circle kan pynlong ia ka jingsam ia ka Khusnam sha ki samla pule ka kur kiba la pass bha ha ka SSLC, HSSLC, Graduate, Post Graduate & Professional Courses ka ban loang haka 30 tarik u Nohprah (December) ha ka Shnong Mookhep haka por 10 baje Mynstep.
U President Sein Kur Dkhar u Shaniahskhem Dkhar, ula pyntip ba kane ka jingpynkup burom kadei na ka bynta ki khun samla na ka Seiñ Kur Dkhar kiba hap ha Wapung Circle kiba kynthup iaka Jalyiah, Khlieh Myntriang, Wapungskur, Wapungshnong, Pamrapaithlu, Pamrakmai, Mokhep, Iongkaluh, Sohkymphor bad ka Lum Mulieh.
Ka jingthmu kane ka jing pynkup burom ka long ban ai mynsiem ia ki khun samla jong ka kur ban kin nang lehbha ha ka pule ka puthi ban wanrah burom ia ka kur ka shnong ka thaw bad ia ka jylla hi baroh kawei.
Ki samla ki ban shah pynkup burom ki dei tang kiba la ioh la dep submit ia ki marksheet kata naduh ka SSLC bad HSSLC, Graduate, Master shaneng, Professional Course ba kynthup iaki MBBS, Lawyer, Engineering bad kiwei.
Na ka liang ka seng kur Dkhar Wapung Circle ka la khot la wer ia ki para kur ban don bynta ha kane ka sngi naduh ki kmie ki kpa ki khun samla bad ki kni ka kur khnang ba ka prokram pynkup burom jong ka kur kan shong kun bad kan long ka ba jop.