Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association (EJHDFA) kaba la long mynta ka sngi 23 tarik u Nailur ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Suchen Mulieh YWSC kala pynliem da 4-1 kol ïa ka Rymbai Sports YWO, ïa ki kol na ka Suchen Mulieh YWSC la thep da u Hamedahun Lamurong haka minit ba 2 & 46, u Arki Suchen ha ka minit ba 33 bad u Dominic Suchen haka minit ba 61, ïa ka kol na ka Rymbai Sports la thep da u Solify Swer haka minit ba 12.
Ha ka jingïakhun kaba ar ka Evergreen SC Lad Wahwapung kala lah ban pynliem da 1-0 kol ïa ka Tuber Shohshrieh SSC, ïa katei ka shikol na ka ka Evergreen SC la thep da u Dr. Sankey Shangpung ha ka minit kaba 29.
Katba ha ka jingïakhun kaba lai hapdeng ka Wahsarang SC bad ka Dkhiah West SC kila poi sha ka jingïakhaid khlem don kiba ïoh ban thep kol (0-0).
