Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 25 tarik u Nailur ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Wapung Shnong SCSC kala pynliem da 4-3 kol ïa ka Tongseng Youth SSC haka jingïashut Tie Breaker bad kaba ïoh ban rung sha ka Round 16.
Haka jingïakhun kaba ar ka Moolang SC kala pynliem da 5-2 kol ïa ka Iongkaluh Wahsder SC, ïa ki kol na Moolang SC la thep da u Faster Rymbai haduh lai kol marwei (Hattrick) haka minit ba 16 & 67 & 80+2, u Shibunlang Dkhar haka minit ba 32 bad u Lambres Dkhar haka minit ba 6. Ïa ki kol na ka Iongkaluh wahsder la thep da u Fastly Dkhar haka minit ba 22 bad u Diophrin Dkhar haka minit ba 72.
Katba ha ka jingïakhun kaba lai ka Musniang Rim SC kala pynliem da 2-1 kol ïa ka Suchen Lumiarain SC, ïa ki kol na ka Musniang Rim SC la thep da u Miki Siangshai haka minit ba 63 bad u Shanbormi Dkhar haka minit ba 79. Ïa ka shikol na ka Suchen Lumiarain SC la thep da u Areyou Amse haka minit ba 55.