Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba la long hapdeng ka Youth Welfare Social Pynthor pyrshah ïa ka Nangbah Mooknor kila poi noh sha ka jingïakhaid da mar shikol (1-1), ïa ka kol na ka Youth Social Welfare Pynthor la thep da u Chivalry Lipon ha ka minit ba 47. Katba na ka Nangbah Mooknor la thep da u Heinidawan Thubru.
Ka jingïakhun lashai ka sngi 26 tarik kan long hapdeng ka Royal Pole Mihmyntdu pyrshah ïa ka Nangbah Khloopano ha ka por 10 shiteng mynstep, katba ka Lumpyrtuh Mihmyntdu kan ïakhun pyrshah ïa ka Mulang Ialong ha ka por 12 baje shiteng sngi.